شهادة من استاد القاهرة

lمبروك لكل الاهلاوية كاس السوبر
وطبعا شباب اولى اداب اعلام عمرة ما يتاخر عن الاهلى
رحنا الاستاد وكان يوم راااااااااائع
بس كالعادة الامن كان غتت ورخم
مدخلوش الطبل والدفوف
بس التشجيع كان اسطورى ورائع رغم محاولات الامن ابعاد الالتراس عن جمهور الاهلى
الامن طلع الالتراس فوق
وقفل ابواب التالتة شمال السفلية
بس رجالة الالتراس وقفوا ع السور وقادوا الجماهير واول حاجة اتقالت الهتاف اللى هز الملعب
الحرامى ميييييييين؟؟؟؟؟؟؟؟
شوبير
وبعدة كدة غننا الاغانى بتاعتنا
وبعد ثورة عارمة من الجمهور فتحوا الباب ونزلوا الالتراس قبل الماتش ب 3 دقايق
وابتدا التشجيع الاسطورى كالعادة من جمهور الاهلى
الامن دخل الترومبيطة بعد 10 دقايق م الماتش
الشوط الاول خلص تعادل

مع بداية الشوط التانى عاد الكل لمواقعة
ومع احراز فلافيو للهدف الاول ولعت الدنيا
وبدا هتاف رهييييييييييييييب ضد شوبير لمدة 5 دقايق متواصل

وجاب الصفاقسى جون التعادل
وواحد من جمهور الصفاقسى ولع شمروخ
ودة خلى المدرجات تولع
والحكومة تتشتم
وكالعادة بعد الشمروخ
هتاف جماعى ضد شوبير
واحرز فلافيو الجون التانى
وكالعادة برضة شوبير اتشتم
والحضرى
والزمالك
والاسماعيلى
وانتهت المبارة وبدا الاحتفال
بس عارفين الاحتفال بدا باية
الحرامى ميييييييييييييين؟
شوبير
وجت اللعيبة ورقصوا
والواد اينو وحسام عاشور رقصوا كتيير
وجة بعدة كدة معشوق الجماهير ابوتريكة
واشتقبلناه استقبال جباااااااااااار
وطلعت اللعيبة تستلم الكاس ونهينا المبارة بالهتاف ضد شوبير
بس الهتاف المرة دى غير الماتش كلة الهتاف كان بيرج الملعب بطريقة غريبة
فى النهاية مبررررررررررررررررروك لكل الاهلاوية وللجمهور العظيم اللى يحرك الصخر

بعد المبارة وفى المؤتمر الصحفى اهدى جوزية الفوز لشوبير
متهكما على شوبير ومساندا لجمهور الاهلى ضد الحملة التى شنها شوبير ضد الالتراس وجمهور الاهلى

اودايما كدة الاهلى مشرفنا ومفرحنا
وان شاء الله كدة دايما شباب اولى اداب اعلام مشرفنكم فى كل حتة
مع خالص تحياتى عمرو السيد

شكرا يا عمرو ع الحاجات الجميلة دى
وف انتظار مشاركات اكتر